قصة بنت طلبت أكل من كنتاكي في الاردن

من طرف dreamnagd الخميس أكتوبر 18, 2007 6:06 pm

هذي القصة مكتوبة باللهجة الاردنــــية و ما قدرت أترجمها للهجة الخليجة لان مالي خلــق .. خخخخخخخخخخخخخ

كان في بنت من منطقة الشميساني في الاردن نايمة
عند دار خالتها وتاني يوم الظهر صارت المشكلة....
البنات التلات لولو ونونو وكوكو كانوا ميتين من
الجوع وفكروا شو بدهم ياكلوا فحكت نونو بدنا
ناكل من كنتاكي وافقت البنات على الكلام والبنات ما كان
معهم رقم المطعم فاتصلوا بالاستعلامات وطلبوا رقم كنتاكي....
ففكر الشب تاع الاستعلامات شوي وبعدين حكا "اه معي
رقم كنتاكي بس موبايل" فاستغربوا البنات وحكولو لا احنا
بدنا ارضي فحكالهم انو كل التلفونات تاعت كنتاكي خربانة
ومو عم تشتغل وما في هلأ الا موبايل فحكت نونو اوكي
اعطيني الرقم ....طبعا تاع الاتصالات اعطاها الرقم وكان
هاد رقم موبايلو....سكرت نونو الخط وضربت على رقم الموبايل
ورد الشب وحكالها " كنتاكي فرايد تشكن...اتفضل" انبسطت
البنت وارتاح قلبها لانها كانت شاكة وبعديها طلبت البنت
3 وجبات اكل وحكالها الشب 30 دقيقة وبكونو عندك بس
بليز توصفيلي البيت....وعلى طول الولد طلع من الشغل وراح
على كنتاكي طلب 3 وجبات للبنات وراح على البيت لبس
بنطلون اسود وتي شيرت احمر وكاب وراح عند البنات ودق
على الباب ولما البنت فتحت الباب
........................حكا الشب " كنتاكي فرايد تشكنن"
والبنت فجأه ركضت جوا البيت وتركت الشب على الباب
وراحت جابت مصاري " يا حرام مفكرتو المطعم " واعطتوا
7 دنانير ونص دينار بقشيش وسكرت البنت الباب......
و مع الايام سارت البنت تضل تطلب من المطعم على موبايل
الشب ودايما يروح يوصللها الاكل وبعد فترة الشب حب
البنت وخطبها واتجوزا وجابوا اولاد وبنات وعاشوا بسبات
ونيات وكانوا سعداء وسمو اولادهم " فخدة واجر وزنجــر وجناح "
وضلت العيلة السعيدة تطلب من كنتاكي دايما.....