للأسف... كل هــذا طلــع حلـــم

( ودعــــــت ســـــــاره )

الا يـــادمع لاتاقف تفـضل وانهمــر بـجنـــــــون ابيك اتطفي بقلبـي شـمووع ودعـــت ســـاره
انــا فـي قلبـي الدنيـا كئيبـه بعدهـا والكـــــون مثل ديره هجرها الـورد وصار الشـوك بأســواره
ذكرت احلى عيون الناس دايم تلتفت لي بـهون وصحيــــت ولا لقيت العيـن قـالو تـتـرك الحــاره
سألت بشوق وين أنتي قلبي وخاطري يـبـكون أنــا من دونـك وربـي ذبحنـي الشوق واخطـاره
نشدت النـاس وين أنتي ياوين المخلصه تكفـون ولا ردوا على قلبـي أتــركوه يهــوجس افكـــاره
وسألت الليل ماتذكر ياليلي كم عزفنـا لحـــــون وسألت جدار غـرفتنا وسكـت مـارد لـي جــداره
لفــاني صوت من أخر مسـافاتي بشر يحكـــون يقـــول اليـــوم ســاره ســافرت والــدنيــا دواره
وعرفـت أنك تـزوجتـي وصـاحت فرحتي بالكـون ألـــــــف مبـــرووك لا ألفيـــن لامليــون ياسـاره
وصيتي لك اذا جتك الهواجيس العنـي الملعون وصيتـي أسعـدي قلب(ن) شراك وقدم اسواره
وصيتي لك عشان عيون تكـرم بالمدينـه عيـون حطـي زوجـك بعينـك وغطي برمشـك أســراره
أبيـك الصـادقه والمخـلصـه والفـازعـه والعـــون الى منه اشتكـى لـك كـونـي الجنــه وسط داره
يــاســاره مانسيتك لا ورب البيت فيني شجون سكبــت الدمـع فــي حـرفي ونبت بالعين نــواره
ألا يــادمع وش بـاقي تفضـل وأنسـكب بجنــون أبيـــــك اتطفي بصــدري شـمـوع ودعــت ساره
أنا في قلبـي الدنـيـا كئيبــــه بـعـدها والكـــون مثل ديـــره هجــرها الورد وصار الشــوك بأسواره